Ævintýrasvali

Nýtt blogg!

Tue, 24 Oct 2006 09:09:45 GMT

Það er komið nýtt blogg! hvet ykkur til að kíkja á það...... Þessi síða er rusl. Dáin.

http://svali-nammnamm.blogspot.com

Sjáumst þar!

kúl

Fri, 08 Sep 2006 16:00:17 GMT

Vá ýkt. Ég ætla sko að blogga meira. Ég hef nefninlega orðið vör við nokkurn múgæsing (múg-æsing) fyrir utan húsið undanfarið. The crowd wants more. Jebb, þau fá ekki nóg af mér. Ég var meira að segja beðin um eiginhandaráritun í skólanum um daginn. Ég smellti fingrunum í þríhyrning og hrópaði "HELLO, PERSONAL SPACE!!" Setti svo upp svipinn sem ég hef lært af áralöngu áhorfi á Clueless. As if skohh!!

Það hefur annars margt kostulegt gerst undanfarið. Hera hefur tekið nokkrar syrpur. Mér dettur helst í hug vafasamt atvik á kaffi Kultura um síðustu helgi þegar hún sveiflaði sér inn í hóp af fólki og hóf að syngja Dirty slut af mikilli ákefð. Já, hún birtist mér í draumi í spaghettídansi með hendur upp í loft. "Ég er skítug drusla, lalala.."

Spaghettídans er nýtt orð yfir hreyfingarnar sem Hera á til að framkvæma þegar hún er búin með fjóra/fimm. Hann er þannig að allir útlimir verða mjúkir sem spaghettí og sveiflast bylgjukennt í takt við tónlistina. Við köllum það að "taka Spaggann".

Ég veit samt ekki hvort að Spagginn er góð leið til að höstla. Hera eyddi nefninlega öllu MR busaballinu í tala við gifta karlmenn og var mjög fúl yfir að þeir skyldu eyða dýrmætum tíma hennar sem hefði annars geta nýst í sveitt og slefugt káf frá, tja, einhverjum busanum? En kannski liggur meira að baki. Kannski er þetta einhver skrýtin leið fyrir þá til að segja að í raun séu þeir orðnir þreyttir á einkvæninu. Þeir gætu litið á Spaghettídansinn sem eitthvað nýtt og spennandi. Auðvitað með tilliti til sveigjanleika dansarans. Svo að kannski var Hera í raun að bjarga nokkrum unglingspiltum úr dauðadæmdu hjónabandi. You never know....

Ég ætla að láta þetta duga í bili, en mun vera dugleg að dreifa vandræðalegum stundum Heru á netið. Því eftir allt saman... hvar værum við án þeirra?

Skál!!

Skólinn...

Wed, 23 Aug 2006 18:50:19 GMT

Þá er fyrsti skóladagurinn búinn. Ótrúlegt að þegar ég kom inn í skólann fannst mér eins og ég hefði aldrei farið neitt. Það hefur ekki mikið breyst.. stundarskráin er örlítið þéttari og reyndar held ég bara að nýi dönskukennarinn minn sé nokkuð heill á geði. Við bekkurinn lentum nefninlega illa í því í fyrra. Ég ætla ekkert að fara nánar út í það:) En annars er nú frekar þægilegt að þurfa ekki að taka strætó. Svo er líka gaman að vera ekki ráðvillti businn lengur. Ég vil líka bjóða Heklu velkomna í Kvennó:D

Þetta var í heildina frekar slappt. Ég sat fyrsta þýskutímann með hryllingi og kom meira að segja með tvær ferskar hugmyndir.

1) Hvort við ættum ekki bara að hafa þetta svona utanskóla og próflausan áfanga. Svona "þýska með heimspekilegu ívafi". Þá fengjum við tækifæri til þess að tengja þýskuna við daglegt amstur og umhverfi.

2) Hvort við mættum fara.

Kennarínan var ekkert hrifin af þessari snilld . Mér sýndist hún meira að segja krota eitthvað í kladdann um leið og hún bölvaði mér milli samanbitinna varanna. Svo ætla ég að reyna að líta vel út á morgun. Það tókst ekki sem skyldi í dag. Allavegana gaf ég upp alla von eftir að ég vaknaði með slef út á kinn í sögu. Það þýðir ekkert annað en bara snemma að sofa í kvöld svo maður verði hress í glósuvöðvanum! (hahahahahah)

Kv. Svali

Yes, I´m alive.

Tue, 15 Aug 2006 20:25:34 GMT

Ég hef snúið aftur.

Ég hef yfirgefið sveitina fyrir fullt og allt.

Ég var ekkert dugleg að blogga í sumar, enda engin tölva í sveitinni. Bara Þjóðverjar. Já, þvílíkt og annað eins af Þjóðverjum sést hvergi nema í Þýskalandi. Þjóðverjasambýlingar, Þjóðverjavinnufélagar, Þjóðverjaviðskiptavinir. Ég vildi að ég gæti sagt að öll kynni mín af Þjóðverjum væru krydduð hláturkryddi. Því miður voru þau það ekki. Þess vegna sé ég fram á ÞRJÚ hrottaleg ár í þýskutímum hjá henni Ástu. Frasar eins og "betale hier?", "danke schon" og "einmal" eru brennd í viðkvæma sál mína að eilífu. Erfið lífsbarátta hefur gert það að verkum að Þjóðverjar hafa ekki mikinn tíma fyrir glens og gaman. Nei, það er alvara lífsins sem ræður. Survival of the fittest. Þú færð ekki kók með því að "hlæja" framan í afgreiðlsufólkið, svo mikið er víst. (tek það fram að þetta er ekki ALGJÖR alhæfing, ég kynntist tveimur ágætis Þjóðverjum í sveitinni)

Já, sumarið er víst búið og í tilefni af því stefni ég að því að koma þessari síðu á fullt. Vona að þessir tveir sem að eru búnir að heimsækja í dag haldi áfram og breiði út orðið. Ég held áfram.

Kjósið Svala!

"because there IS more"

Bæbb

Mon, 29 May 2006 09:35:15 GMT

Bæbb. :D

Lífið er stórt píp-test

Thu, 18 May 2006 12:10:42 GMT

Halló!:) Ég hef ákveðið að blogga. Þar sem að ég er aftur orðin afspyrnulélegur bloggari er mikið að frétta. Því miður, þá er ég það léleg að ég myndi ekki nenna að skrifa um það allt... En þetta er helst:

Ég er komin með bílpróf!!!!
Hef rúntað mikið síðustu daga, á þó ekki bíl..
Ég kláraði prófin í gær:)
Í tilefni af því skellti ég mér á lokaball Kvennó
Það var gaman, Hófý tók nokkur númer
Hún gekk jafnvel svo langt að bjóða Kvennaskóladreng undir pilsið sitt:!:
Það fór þannig fram: ,,Hey, viltu sjá undir pilsið mitt?´´
Eftir ballið röltum ég og Rakel á Nonna á tánum og deildum BeikonNonna

Svona er staðan:

Er pínu aum eftir gærkvöldið
Ég er rosalega, rosalega blönk:(
Er þar að auki komin með sekt á tvær bókasafnsbækur
Mig langar svooo í skó og nokkrar vel valdar snyrtivörur
Ef einhver hefur áhuga, þá langar mig sérstaklega í -Möndlu BodyButter- úr Body Shop (skrifið þetta niður)
Fæ lítinn stuðning vegna sumarvinnunnar minnar, en hún er á Geysi.
Græt því í koddann á hverju kvöldi vegna þess hve Stella er grimm

Þetta er framundan:

Júrovisjónpartý í kvöld!!!:D
Annað svoleiðis á laugardaginn:P
Kirkjubæjarklaustur, here we come!!
Svo er það bara bæbæ vinir, halló Geysir.

Jæja, partý í kvöld. Mig dreymdi hræðilegan draum í fyrrinótt um Sylvíu. Þetta var mjög slappt hjá henni og við komumst ekki í lokakeppnina. Ég vona innilega að þetta hafi öfuga merkingu (plíís, Guð). Annars finnst mér kominn tími á okkur. ,,Ísland sigrar heiminn´´. Við erum búin að næla í Miss World, við eigum bara eftir Ólympíuleikana, World Cup og svo auðvitað Júróvisjón.

Við vinkonurnar ætlum að skella okkur á Kirkjubæjarklaustur um þarnæstu helgi að horfa á nokkra sveitta hjólakappa maka sig útí drullu. Já, þetta verður athyglisvert því að það eru slatti að fara þangað. Meiraðsegja allmargar yndisfagrar Kvennaskólapíur og ég tók mig til í gær og bauð öllum sem vildu að sofa í tjaldinu mínu (bara stelpum þó). Jább, við leysum það seinna, ég og tjaldfélagarnir.

Svo er ég nú bara svo gott sem farin. Ég verð að vinna í búð og sjoppu á Geysi og gisti þar. Ég kem þó heim stöku sinnum, svo er ég líka búin að fá loforð um svakaleg roadtrip sem enda á heimsókn til mín. Jebb, ég finn lyktina af góðu sumri.

Ég mun reyna að vera dugleg að blogga áður en ég fer. Lofa samt engu.

Svali

NÝTT

Fri, 12 May 2006 18:04:06 GMT

ERKOMINMEÐBÍLPRÓFSTOPVINSAMLEGASTKOMMENTAÐUSTOP

P.s.Þ.e.a.s.ef þú hefur eitthvað um það að segja...:klikk:

.

Thu, 20 Apr 2006 12:03:40 GMT

Ég átti afmæli í gær en ég gleymdi að blogga. Hérna er það sem gerðist:

Ég var veik á afmælisdaginn og fór ekki í skólann
Skrapp þó í hádegishlénu og fékk köku og afmælissöng:)
Gat ekki borðað kökuna:(
Ég fékk eina afmælisgjöf
Það var myndin Corpse Bride og hún var frá Magna gömlum félaga mínum
Reyndar fékk ég líka smá umslag frá ömmu:haha:
Ég er ekki komin með bílpróf

Þetta er bara komið, fyrir utan allar afmæliskveðjurnar. Þær björguðu deginum. Takk, allir sem sendu mér svoleiðis:D

Til hamingju með afmælið, ég!

úllala!

Fri, 14 Apr 2006 12:52:31 GMT

Góðan daginn!

Dagurinn í dag er ljótur.... en engu að síður afmælisdagurinn hennar Örnu. Til hamingju með daginn!!:D

Í tilefni af því ætla ég að skella hérna einni mynd af henni:

Já, það muna eflaust margir eftir þessari, en ég fann hana ásamt fleirum inná heimasíðu sem hefur ekki verið hreyfð í tvö ár. Þetta er mikill fjársjóður skal ég segja ykkur. Hérna koma nokkrar í viðbót:

Ylfa í sparifötunum..

Já Drífa nýtur lífsins svo sannarlega

Ég, Heiður og Birta í saumatíma ?8|

Stella, ég og Íris, sannkallaðar skátagellur!

Njótið vel!:)

...

Tue, 04 Apr 2006 22:04:57 GMT

How Will I Die Quiz

You will die at the age of 25

You will die of sexual exhaustion

Find out how you will die at Quizopolis.com

Þá er það á hreinu!

..

Mon, 03 Apr 2006 22:06:45 GMT

Þetta er helst í fréttum:

Ég er þreytt eftir helgina, veit ekki af hverju
kannski af því að ég varð mér úti um nokkra bjóra heima hjá Evu Margréti í boði Stellu:$ takk fyrir afmælið Eva!!:D
þér er sko boðið í mitt afmæli!
svartur Yaris sóar lífinu fyrir utan hjá Drífu
annar svertingi sóar lífinu inni hjá henni
Kvennóterminatorinn fer á kostum í skólanum
æðir um skólann og rænir og ruplar
"haha, ég er hinn raunverulegi sigurvegari" hugsar hann svo á leiðinni heim
mikið hlegið um helgina, Arna tók nokkur númer
missti þó víst af aðalnúmerinu...??
Allir þreyttir
Allir latir

Fleira var það nú ekki. Bæbb

hæbb

Wed, 29 Mar 2006 22:44:30 GMT

Ég var að enda við að horfa á þá sjúklega fyndnu mynd Madagaskar, en Drífa, Hera og Ylfu kíktu í heimsókn með nammi og teiknimynd:) Drífa þurfti samt fljótlega að stinga af til að hitta ónefndan loverboy- já, þið heyrðuð rétt!:klikk: og fylgdu stelpurnar með í bílinn. Svo að ég sit uppi með óklárað stærðfræðiverkefni sem Ylfa ætlaði að hjálpa mér með! Ég hlýt að fá skilafrest..... Annars er það helst að ég bauð mig fram í Klappnefnd Kvennaskólans í dag, þó að kosningavikan sé á enda. Mig langar nefninlega svoldið að fara í nefndaferðina svo ekki sé minnst á að hvetja Kvennskælinga áfram í klappinu! Ég reyni að vera ekki of bjartsýn þar sem fjórir eru í framboði en aðeins þrír verða kjörnir áfram. Annars er heilsufarsástand ekki sem skyldi, því að æstir frambjóðendur hafa þröngvað uppá mann kökum og kandíflossi síðustu þrjá daga og verð ég að viðurkenna að maginn er ekki sáttur:( Svo að það verður heljarinnar átak næstu daga svo ég líti nú vel út í fyrsta bíltúrnum mínum þann 19. apríl :haha:

I´m audi

Til Drífu

Tue, 21 Mar 2006 23:06:40 GMT

Ég vil tileinka þetta blogg Drífu afmælisbarni en fyrr í kvöld var haldin henni til heiðurs ógleymanleg óvænt afmælisveisla. Hún fékk allan pakkann, köku og kórónu og tvær gjafir (báðar frá mér). Froskabaukur og fíla-karmellur. Jebb, þetta var sú flottasta í sögunni, auðvitað haldin fyrir þá flottustu;) En ég ætla ekki að hafa þetta lengra, til hamingju Drífa!!

lífið

Wed, 15 Mar 2006 10:22:14 GMT

Jæja...

Eins og fram kemur í blogginu hér að neðan er ég á rangri hillu í lífinu... ég er í raun stærðfræðingur og heimurinn er að fara á mis við mikilvægar uppgötvanir o.s.fr.v. En ég kann ekkert í stærðfræði. Ég hef náð að krafsa mig frá fjórum upp í fimm og vonast til að með einstaklega góðri hegðun nái ég því sem þarf til að útskrifast úr 1. bekk. Þess vegna veit ég ekkert hvað ég á að gera núna. Allt mitt nám á málabraut til einskis. Allar þessar þrotlausu kennslustundir í setningafræði og núþálegum þýskum sögnum. Hugsa sér allan peninginn sem ég hefði getað sparað (mamma).

Það fer ekki á milli mála að ég hef náð botninum. Næsta skref er að viðurkenna vandamálið og takast á við það.

Gúdbæ.

nei heyrðu

Mon, 13 Mar 2006 10:03:19 GMT

Veit ekki alveg hvað þetta á að þýða!

You should be a Math major! Like Pythagoras, you are analytical, rational, and when are always ready to tackle the problem head-on!

Mathematics

83%

Linguistics

67%

Dance

67%

Philosophy

67%

Anthropology

58%

Art

58%

Theater

50%

English

50%

Sociology

42%

Biology

33%

Chemistry

25%

Journalism

17%

Psychology

17%

Engineering

17%

Dísa® www.deeza.blogspot.com